Army Recruitment-2026 Apply Now
ഇന്ത്യൻ ആർമിയിൽ അഗ്നിപഥ് പദ്ധതിക്ക് കീഴിൽ നാല് വർഷത്തെ സേവനത്തിനായി അഗ്നിവീർ തസ്തികകളിലേക്ക് ഉദ്യോഗാർത്ഥികളെ തിരഞ്ഞെടുക്കുന്നതിനായുള്ള ഔദ്യോഗിക വിജ്ഞാപനം വന്നു
- ഉൾപ്പെടുന്ന ജില്ലകൾ:
- ARO കാലിക്കറ്റ്: കാസർഗോഡ്, കണ്ണൂർ, കോഴിക്കോട്, വയനാട്, മലപ്പുറം, പാലക്കാട്, തൃശൂർ എന്നീ ജില്ലകളും മാഹി, ലക്ഷദ്വീപ് എന്നീ കേന്ദ്രഭരണ പ്രദേശങ്ങളും ഇതിൽ ഉൾപ്പെടുന്നു.
- ARO തിരുവനന്തപുരം: ആലപ്പുഴ, എറണാകുളം, തിരുവനന്തപുരം, കൊല്ലം, പത്തനംതിട്ട, കോട്ടയം, ഇടുക്കി എന്നീ ജില്ലകളിലെ സ്ഥിരതാമസക്കാർക്കായാണ് ഈ നോട്ടിഫിക്കേഷൻ.
രജിസ്ട്രേഷൻ തീയതികൾ:
രണ്ട് നോട്ടിഫിക്കേഷനുകൾക്കും ഓൺലൈൻ രജിസ്ട്രേഷൻ തീയതികൾ ഒന്നുതന്നെയാണ്: 2026 ഫെബ്രുവരി 13 മുതൽ ഏപ്രിൽ 01 വരെ.
| കാറ്റഗറി | വിദ്യാഭ്യാസ യോഗ്യത |
|---|---|
| അഗ്നിവീർ ജനറൽ ഡ്യൂട്ടി (GD) | 10-ാം ക്ലാസ് 45% മാർക്കോടെ പാസായിരിക്കണം. ഓരോ വിഷയത്തിനും കുറഞ്ഞത് 33% മാർക്ക് നിർബന്ധം. |
| അഗ്നിവീർ ടെക്നിക്കൽ | ഫിസിക്സ്, കെമിസ്ട്രി, മാത്സ്, ഇംഗ്ലീഷ് വിഷയങ്ങളോടെ 10+2/ഇന്റർമീഡിയറ്റ് (50% മാർക്ക്) അല്ലെങ്കിൽ നിശ്ചിത ട്രേഡുകളിൽ ITI/ഡിപ്ലോമ. |
| അഗ്നിവീർ ക്ലർക്ക്/സ്റ്റോർ കീപ്പർ | 60% മാർക്കോടെ പ്ലസ് ടു പാസായിരിക്കണം. ഇംഗ്ലീഷ്, മാത്സ് വിഷയങ്ങൾക്ക് 50% മാർക്ക് വേണം. |
| അഗ്നിവീർ ട്രേഡ്സ്മാൻ (10th/8th) | നിശ്ചിത ക്ലാസ് പാസായിരിക്കണം. ഓരോ വിഷയത്തിനും 33% മാർക്ക് വേണം. |
തിരഞ്ഞെടുപ്പ് പ്രക്രിയ
റിക്രൂട്ട്മെന്റ് രണ്ട് ഘട്ടങ്ങളിലായാണ് നടക്കുന്നത്:
- ഘട്ടം 1: ഓൺലൈൻ കോമൺ എൻട്രൻസ് എക്സാമിനേഷൻ (CEE).
- ഘട്ടം 2: റിക്രൂട്ട്മെന്റ് റാലി (ശാരീരിക ക്ഷമതാ പരിശോധന, മെഡിക്കൽ പരിശോധന).
ശാരീരിക അളവുകൾ (Physical Standards)
- ഉയരം: ജനറൽ ഡ്യൂട്ടി, ടെക്നിക്കൽ, ട്രേഡ്സ്മാൻ തസ്തികകൾക്ക് 166 സെ.മീ (ടെക്നിക്കൽ 165 സെ.മീ).
- നെഞ്ചളവ്: 77 സെ.മീ (5 സെ.മീ വികസിപ്പിക്കണം).
അപേക്ഷാ ഫീസ്
- ഓൺലൈൻ പരീക്ഷയ്ക്കായി 250 രൂപ ഫീസായി നൽകണം.
സേവന കാലാവധിയും ആനുകൂല്യങ്ങളും
- നാല് വർഷത്തെ സേവന കാലാവധി.
- നാല് വർഷത്തിന് ശേഷം നിശ്ചിത മാനദണ്ഡങ്ങൾ അനുസരിച്ച് 25% പേർക്ക് സ്ഥിര നിയമനം നൽകും.
- നാല് വർഷത്തെ സേവനത്തിന് ശേഷം പലിശ സഹിതം ഏകദേശം 10.04 ലക്ഷം രൂപ ‘സേവാ നിധി’ പാക്കേജായി ലഭിക്കും.
- സേവന കാലയളവിൽ 48 ലക്ഷം രൂപയുടെ ഇൻഷുറൻസ് പരിരക്ഷ ഉണ്ടായിരിക്കും.
ഓൺലൈൻ രജിസ്ട്രേഷൻ നടപടികൾ
- ഉദ്യോഗാർത്ഥികൾ ആദ്യം ഇന്ത്യൻ ആർമിയുടെ ഔദ്യോഗിക വെബ്സൈറ്റായ www.joinindianarmy.nic.in സന്ദർശിക്കണം.
- വെബ്സൈറ്റിൽ നിങ്ങളുടെ യോഗ്യത (Eligibility) പരിശോധിച്ച ശേഷം ഒരു പ്രൊഫൈൽ ക്രിയേറ്റ് ചെയ്യുക.
- രജിസ്ട്രേഷൻ സമയത്ത് നിങ്ങളുടെ ഏറ്റവും ഉയർന്ന വിദ്യാഭ്യാസ യോഗ്യതയും (Highest Educational Qualification), അപേക്ഷിക്കുന്ന തസ്തികയ്ക്ക് ആവശ്യമായ യോഗ്യതകളും കൃത്യമായി രേഖപ്പെടുത്തണം.
- അപേക്ഷയിൽ ആധാർ (AADHAAR) നമ്പർ നിർബന്ധമായും നൽകിയിരിക്കണം.
- അപേക്ഷകർക്ക് സജീവമായ ഒരു ഇമെയിൽ ഐഡിയും മൊബൈൽ നമ്പറും ഉണ്ടായിരിക്കണം. ഭാവിയിലുള്ള എല്ലാ ആശയവിനിമയങ്ങളും ഇതിലൂടെയായിരിക്കും നടക്കുന്നത്.
അപേക്ഷാ ഫീസ്
- ഓൺലൈൻ പരീക്ഷയ്ക്കായി ഓരോ കാറ്റഗറിക്കും 250 രൂപ വീതം ഫീസായി നൽകണം.
- അപേക്ഷ വിജയകരമായി പൂരിപ്പിച്ച ശേഷം വെബ്സൈറ്റിലെ ലിങ്ക് വഴി HDFC പോർട്ടലിലേക്ക് പോയി പണമടയ്ക്കാവുന്നതാണ്.
- മാസ്റ്റർ കാർഡ്, വിസ, രൂപേ (ഡെബിറ്റ്/ക്രെഡിറ്റ് കാർഡുകൾ), ഇന്റർനെറ്റ് ബാങ്കിംഗ് അല്ലെങ്കിൽ UPI വഴി പണമടയ്ക്കാം.
